Sheria za Sisi kwa Sisi | Wachagawote
Sheria na Kanuni

SHERIA ZA MPANGO WA SISI KWA SISI

Chini ya Usimamizi wa Jukwaa la Wachagawote – Dar es Salaam

MUHIMU: Kukaa ndani ya group la Sisi kwa Sisi kunamaanisha umesoma, umeelewa na umekubali masharti yote yaliyoainishwa hapa bila kulazimishwa.

Nyumbani Jaza Fomu ya Kujiunga

Utangulizi

Sisi kwa Sisi ni mpango wa kijamii wa ushirikiano wa kifedha unaosimamiwa kwa uwazi, nidhamu na uwajibikaji. Ni makubaliano ya hiari kati ya washiriki wanaojua na kuelewa masharti yake.

Kumbuka:

  • SISI KWA SISI sio mkopo
  • Sio uwekezaji
  • Sio taasisi ya kifedha

Ni makubaliano ya kijamii yanayohitaji nidhamu na uaminifu wa washiriki.

Sheria za Msingi

Asili na Uhalali wa Mpango

  • Mpango wa Sisi kwa Sisi ni makubaliano ya kijamii ya mzunguko wa michango kwa hiari.
  • Sio mkopo, sio uwekezaji, wala sio taasisi ya kifedha.
  • Kila mshiriki anashiriki kwa uamuzi wake binafsi baada ya kusoma na kuelewa sheria.
  • Mfumo unasimamiwa chini ya Jukwaa la Wachagawote kwa makundi yote yaliyopo na yatakayoundwa baadaye.

Makundi na Viwango vya Michango

  • Kila kundi lina washiriki 100 tu (nafasi ni chache).
  • Kiasi cha mchango hutegemea kundi husika: Kundi la TZS 2,200 au Kundi la TZS 5,500 kwa siku.
  • Sehemu ya kijumbe (gharama za uendeshaji) hukatwa kulingana na kiwango cha kundi na hairudishwi.
  • Kiasi cha kupokea hutangazwa rasmi kabla ya kuanza kwa mzunguko.

Mfumo wa Malipo

  • Malipo yote hufanyika kupitia namba rasmi ya malipo iliyotangazwa na usimamizi.
  • Malipo huthibitishwa kwa kumbukumbu za mfumo wa fedha uliotumika (M-Pesa, Tigo Pesa, nk).
  • Msimamizi hana wajibu wa kukubali malipo nje ya mfumo uliotangazwa.
  • Hakuna malipo ya kipekee yanayofanyika kwa bajaji, kwa mkono au kwa njia zisizo rasmi.

Muda wa Malipo na Adhabu

  • Malipo yafanyike kabla ya saa 4:30 usiku (22:30) kila siku.
  • Kuchelewa kutaleta faini kulingana na sheria za kundi husika.
  • Faini hukokotolewa kwa kila siku na kwa kila jina (mfano: TZS 2,000 kwa siku).
  • Kutolipa kwa siku mbili mfululizo bila taarifa itachukuliwa kama kujitoa.

Dharura na Mawasiliano

  • Mshiriki anatakiwa kutoa taarifa mapema kabla ya muda wa mwisho wa malipo.
  • Kukaa kimya kunahesabika kama kuchelewa na adhabu yake itatumika.
  • Uamuzi wa kukubali au kukataa sababu ya dharura uko chini ya usimamizi.
  • Dharura inayokubalika: ugonjwa, msiba, au jambo la dharura la kifamilia lenye ushahidi.

Kupokea Fedha

  • Mshiriki hupokea kiasi kilichotangazwa baada ya michango yote kukamilika.
  • Kama jina ni la kushare (ushirikiano wa watu wawili), mgawanyo ni makubaliano ya wahusika binafsi.
  • Usimamizi hauhusiki na migogoro ya mgawanyo wa ndani kati ya washirika.
  • Malipo hufanyika kupitia namba ya mshiriki iliyojisajili kwenye mfumo.

Kutoendelea Kulipa Baada ya Kupokea

  • Mshiriki akipokea fedha kisha ashindwe kuendelea, ni ukiukwaji mkubwa wa sheria.
  • Hatua kali za kinidhamu zitachukuliwa ikiwemo:
    • Kumfuta kwenye group na kutaarifiwa washiriki wengine.
    • Kutozwa faini kubwa (asilimia ya kiasi alichopokea).
    • Kuchukuliwa hatua za kisheria endapo itabidi.
  • Group halitawajibika kufidia hasara iliyosababishwa na mshiriki aliyekiuka masharti.

Nidhamu na Uendeshaji wa Group

  • Hairuhusiwi kutuma maudhui yasiyohusiana na Sisi kwa Sisi (spam, matangazo, siasa, n.k).
  • Msimamizi ana mamlaka ya kutoa onyo, kufungia au kumtoa mshiriki anayekiuka.
  • Uamuzi wa usimamizi ni wa mwisho katika masuala ya group.
  • Heshima na utu kwa washiriki wenzako ni lazima.

Utunzaji wa Taarifa za Washiriki

  • Taarifa za washiriki hukusanywa kwa madhumuni ya usimamizi wa mpango pekee.
  • Taarifa hazitatumika kwa madhumuni yasiyohusiana na Sisi kwa Sisi bila ridhaa ya mhusika.
  • Usimamizi unalinda taarifa kwa kiwango kinachowezekana chini ya mazingira yaliyopo.
  • Mshiriki ana haki ya kuona taarifa zake anapoomba.

Uwazi na Kumbukumbu

  • Kumbukumbu za michango na malipo huhifadhiwa kwa uwazi.
  • Washiriki wanaweza kuona taarifa za mzunguko kupitia group rasmi la WhatsApp.
  • Hitilafu zozote zinapaswa kuripotiwa mapema kwa usimamizi.
  • Mfumo wa kumbukumbu utawekwa wazi kwa washiriki wote.

Utatuzi wa Migogoro

  • Migogoro yote itaanza kutatuliwa kwa mazungumzo ya ndani kwa njia ya heshima.
  • Ikitokea haitatatuliwa kwa mazungumzo, hatua stahiki zinaweza kuchukuliwa kulingana na sheria za nchi.
  • Usimamizi una haki ya kusimamisha mshiriki anayesababisha migogoro isiyo ya lazima.
  • Malalamiko yote yapelekwe kwa usimamizi kwa njia ya kibinafsi, si kwenye group.

Marekebisho ya Sheria

  • Sheria hizi zinaweza kurekebishwa au kuboreshwa kadri mfumo unavyokua.
  • Mabadiliko yoyote yatatangazwa rasmi ndani ya group kabla ya kuanza kutekelezwa.
  • Washiriki watapewa muda wa kujirekebisha endapo kuna mabadiliko makubwa.

Ulinzi na Usalama

Usimamizi wa Mpango wa Sisi kwa Sisi unachukua hatua zifuatazo kuhakikisha usalama wa washiriki:

  • Kuhakiki utambulisho wa kila mshiriki kabla ya kujiunga.
  • Kuweka wazi ratiba ya zamu kabla ya kuanza kwa mzunguko.
  • Kutoa taarifa za malipo kwa wakati na kwa uwazi.
  • Kuweka mfumo wa kumbukumbu unaoonesha malipo yote.
  • Kuchukua hatua za haraka dhidi ya wanaokiuka sheria.

Uko Tayari Kushiriki kwa Nidhamu?

Jaza Fomu ya Kujiunga Wasiliana Nasi
⚖️ KAULI YA MWISHO

Mpango huu wa Sisi kwa Sisi unaosimamiwa na Jukwaa la Wachagawote ni wa hiari.
Kabla ya kushiriki hakikisha una uwezo wa kulipa hadi mwisho wa mzunguko.
Kukaa ndani ya group kunathibitisha umekubali masharti yote bila ya kulazimishwa.

Nidhamu, Uwazi na Uwajibikaji